Azıa-Tynyq muhıty jáne «Jibek joly» halyqaralyq matematıkalyq olımpıadalary bastaldy.
«Matematıka» páni boıynsha respýblıkalyq olımpıadanyń oblystyq kezeń jeńimpazdary men júldegerlerinen quralǵan myqtylar el namysyn qorǵaıdy. Ár óńirden iriktelgen bilim saıysyna qatysýshylar sany - 157 oqýshy, dep habarlaıdy Almaty-akshamy.kz Elorda.info saıtyna silteme jasap.
Uıymdastyrýshylardyń aıtýynsha, zıatkerlik jarystar matematıka ǵylymdary salasyndaǵy daryndy oqýshylardy anyqtaýǵa, sharaǵa qatysýshy elder arasynda halyqaralyq bilim berý jáne ǵylymı baılanystardy damytýǵa baǵyttalǵan.
«Qazaqstannan bul olımpıadalarǵa jyl saıyn 120-dan asa oqýshy qatysady. 2003 jyldan bastap bizdiń olımpıadashylar 65 altyn, 182 kúmis jáne 302 qola medal jeńip aldy», - deıdi «Daryn» RǴPO zıatkerlik is-sharalardy uıymdastyrý jáne halyqaralyq yntymaqtastyq bóliminiń meńgerýshisi Abaı Dúısen.
Aıta keteıik, Azıa-Tynyq muhıty halyqaralyq olımpıadasyna Argentına, Aýstralıa, Kanada, Gonkong, Indonezıa, Japonıa, Qazaqstan, Koreıa, Malaızıa, AQSH, Túrkıa, Meksıka sekildi 38 el qatysady. Al, «Jibek joly» olımpıadasynda Uly Jibek joly boıynda ornalasqan elderdiń daryndy oqýshylary jarysady