Aǵymdaǵy jyldyń sáýir aıynda Abaı dańǵylynan Sátbaev kóshesine deıingi ýchaskede Esentaı ózeniniń arnasyn mehanıkalyq tazartý jumystary bastaldy. Bıyl atalǵan ýchaske "Qazseldenqorǵaý" MM ekologıa jáne qorshaǵan ortany qorǵaý basqarmasynyń qaraýyna berildi, dep habarlaıdy almaty-akshamy.kz
Sońǵy ret ózen arnasyn keshendi tazartý jáne jaǵalaýdy jóndeý jumystary 10 jyldan astam ýaqyt buryn júrgizilgen. Sonyń saldarynan tóselgen qıma tas ábden eskirgen. Burynǵy jyldary ózen arnasyn tazartý jumystary sýdyń ótýin qamtamasyz etý úshin kezeńmen júrgizildi. Ózen arnasyn zertteý kezinde bıiktigi 1,5 m-ge deıin laı men qoqystyń edáýir jınalǵany baıqaldy. Arnany bulardan tazartý úshin aýyr arnaıy tehnıkany tartý qajet boldy.
Bul ýchaskede ózen arnasyna mamandandyrylǵan tehnıkanyń júrýi tehnologıalyq jaǵynan qarastyrylmaǵan: kirme joldar joq nemese apatty jaǵdaıda bolǵan. Búginde jumystarǵa 2 shaǵyn júk tıegish, ekskavator jáne aýyr tehnıka jumyldyrylǵan. Eseptik derekterge sáıkes Abaı dańǵylynan Sátbaev kóshesine deıingi ýchaskedegi tunba men qumnyń kólemi shamamen 3,5 myń tekshe metrdi quraıdy.
Aıta keterligi, kirme joldarda aýyr tehnıkanyń saldarynan bolǵan zalal merdiger uıymnyń kúshi qaıta qalpyna keltiriledi. Trotýardy qalpyna keltirý jumystary júrgizilýde.
Budan basqa, ekologıa jáne qorshaǵan ortany qorǵaý basqarmasy Esentaı ózeniniń ál-Farabı dańǵylynan Rysqulovqa deıingi arnasyn kúrdeli jóndeýdiń jobasyn ázirleýde. Jobada túrli is-sharalarda arnaýly tehnıkany paıdalanýdyń tehnologıalyq syzbalary qarastyrylatyn bolady. Joba aıasynda qala turǵyndaryna yńǵaıly bolý úshin ózen jaǵalaýyn abattandyrý jumystary júrgizilip, serýendeý aımaǵy uıymdastyrylady.
