Birqatar óńirde aptap ystyq pen órt qaýpi bar.
Sınoptıkter Qazaqstandaǵy 2023 jylǵy 7 maýsymǵa arnalǵan aýa raıy boljamyn usyndy – el aýmaǵynda qatty jańbyr jaýyp, naızaǵaı oınaıdy, burshaq jaýady, shańdy daýyl turady dep boljandy, dep habarlaıdy Almaty-akshamy.kz.
"Qazgıdromet" RMK usynǵan málimet boıynsha, elimizdiń basym bóliginde turaqsyz aýa raıy boljandy, soǵan baılanysty naızaǵaımen ótkinshi jańbyr, elimizdiń soltústik-batysynda qatty jańbyr jaýady.
"Tek respýblıkamyzdyń batysynda, ońtústiginde, shyǵysynda jaýyn-shashynsyz aýa raıy saqtalady. Respýblıka boıynsha jeldiń kúsheıedi, ońtústik-batysta, soltústik-batysta burshaq, batysta shańdy daýyl boljandy", – delingen habarlamada.
Pavlodar, Abaı, Shyǵys-Qazaqstan oblystarynyń soltústik-batysynda óte qatty ystyq kútiledi
Aqmola, Túrkistan, Soltústik Qazaqstan, Pavlodar, Qaraǵandy, Ulytaý, Shyǵys Qazaqstan, Abaı, Qyzylorda, Jambyl oblystarynda, Aqtóbe oblysynyń ońtústiginde, shyǵysynda, Qostanaı oblysynyń ońtústik-shyǵysynda qatty ystyq saqtalady, Almaty jáne Jetisý oblystarynda qatty ystyq boljanady.
Qyzylorda, Mańǵystaý, Jambyl, Aqmola, Soltústik Qazaqstan, Pavlodar, Qostanaı, Qaraǵandy, Ulytaý oblystarynda, Atyraý oblysynyń soltústiginde, shyǵysynda, Abaı, Shyǵys Qazaqstan oblystarynyń soltústik-batysynda, Aqtóbe oblysynyń batysynda, ońtústik-shyǵysynda, Almaty jáne Jetisý oblystarynyń soltústiginde tótenshe órt qaýpi saqtalady.