Festıvál barysynda Almatylyq kórermenderge otandyq jáne Grýzıa, Túrkıa, Ózbekstan, Ázerbaıjan elderiniń qýyrshaq teatrlarynyń balalar men eresekter aýdıtorıasyna arnalǵan úzdik qoıylymdary usynylady. Sondaı-aq, is-shara aıasynda sheberlik synyptary, jetekshi akterler men rejıserlerdiń qatysýymen dóńgelek ústel ótedi.
Festıvál aıasynda kelesi is-sharalar ótedi:
• 21 mamyr, 14:30 – Qazylar alqasy men uıymdastyrý komıteti músheleriniń qatysýymen baspasóz konferensıasy;
• 21 mamyr, 15:30 – Saltanatty ashylý saltanaty;
• 21–25 mamyr – Konkýrstyq jáne konkýrstan tys qoıylymdardyń kórsetilimderi;
25 mamyr, 16:00 – Saltanatty jabylý rásimi.
Konkýrstyq qoıylymdardy Qazaqstan, Moldova, Tájikstan jáne Túrkıanyń jetekshi teatr qaıratkerlerinen quralǵan halyqaralyq qazylar alqasy baǵalaıdy.