Dúısenova áıelderdiń zeınet jasyn tómendetýge qatysty pikirin aıtty.
Vıse-premer zańnamada áıelder úshin zeınetke shyǵý jasy kózdelgenin atap ótti, dep habarlaıdy Almaty-akshamy.kz
Premer-Mınıstrdiń orynbasary áıelderdiń zeınetkerlik jasyn 55 jasqa deıin tómendetý týraly petısıaǵa pikir bildirdi.
"Áıelder úshin zeınetke shyǵý 61 jastan bastalady. Eger mundaı petısıa tússe, árıne, belgilengen tártippen qarastyramyz. Biraq búginde biz zeınetaqylardyń basym bóligin memleketten emes, ózimiz qalyptastyrǵan zeınetaqy aktıvterimizden alatynymyzdy eskerý qajet. Sondyqtan, eger biz 55-te shyǵatyn bolsaq, zeınetaqy mólsheri de azaıatynyn túsinýimiz kerek", - dedi ol.
Bul rette ol zańnamada zeınetaqyǵa erte shyǵýdy kózdeıtin normalar bar ekenin atap ótti. Zeınetaqy jınaqtaryna baılanysty 53 nemese 55 jasta zeınetke shyǵýǵa bolady.
"Eger biz halyqaralyq tájirıbeden kórip otyrǵan esepteýlerge súıensek, eger adam 35 jyl boıy turaqty túrde jumys istese, onda onyń zeınetaqysy zeınetaqy qorynyń ózinen keminde 60 paıyzdy quraıdy. Biz: "erterek shyǵaıyq" degende, zeınetaqyny memleket tóleıdi dep oılaımyz. Alaıda, memleket búginde zeınetaqy júıesine qatysýyna baılanysty, aýdarymdaryna qaramastan, bazalyq zeınetaqy kólemin ǵana tóleıdi", - dedi Dúısenova.