Báıgege 81 jylqy qatysady.
2024 jyldyń 29 maýsymynda Qazaq Jockey Club Ulttyq sport qaýymdastyǵynyń qoldaýymen júlde qory 11 mln 900 myń teńge bolatyn klasıkalyq ushqyr báıge ótkiziledi, dep habarlaıdy Almaty-akshamy.kz
Qatysýshylar qashyqtyqqa baılanysty báıgeniń 10 túri boıynsha júldelerdi sarapqa salady. Al basty báıge – Keeneland Kazakhstan Oaks júldesi, ıaǵnı 2400 metr qashyqtyqqa jarysatyn úsh jasar asyl tuqymdy baıtaldar arasynda bolmaq. At jarystyń bul túri Qazaqstanda 1974 jyldan beri uıymdastyrylyp keledi.
Báıgege 81 jylqy qatysady. Al kórermen qaýym úshin eń qyzyqty saıystar úlken jastaǵy attar arasyndaǵy, 2400 metr qashyqtyq boıynsha «Elıta» júldesi, sondaı-aq «Altyn mıl», «Aragon», «Otan» júldeleri bolmaq.
Báıge jartylaı taza qandy jylqylarǵa shabatyn jasóspirim shabandozdardyń at jarysynan bastalady. Saıystyń bul túri jas jokeılerdiń sheberligin shyńdaı maqsatynda uıymdastyrylyp otyr.
Sonymen qatar at jarys bıletteri arqyly BYD elektromobıli jáne túrli smartfondardyń utysyna qatysýǵa bolady.
Bıletterdi https://ticketon.kz/ saıtynan ala alasyzdar. Baǵasy – 3000 teńge.
Ipodrom meken-jaıy: Almaty qalasy, «Qulager» shaǵyn aýdany, Omarov k-si, 10 «a»
Báıgeniń bastalý ýaqyty: 2024 jylǵy 29 maýsym, saǵat 15:00