Bul baǵyttaǵy zertteý nátıjesi adam ǵumyrynyń edáýir uzarǵanyn jáne genderlik aıyrmashylyqtyń joıylǵanyn kórsetip berdi.
Bul jaıynda islam.kz portaly Live Science aqparat kózine silteme jasaı otyryp málim etedi, dep habarlaıdy Almaty-akshamy.kz.
Dáliregi, erler men áıelderdiń ómir súrý uzaqtyǵynyń alshaqtyǵy joıylýda. Ispanıadaǵy Alkala ýnıversıtetiniń ekonomıka jáne bıznesti basqarý profesory Devıd Atans bastaǵan ǵalymdar osyndaı tujyrymǵa kelgen eken. Bul taraptaǵy zertteý 190-nan astam eldi qamtydy. 1990 jyly áıelderdiń ortasha ómir súrý uzaqtyǵy 77,17 jas bolsa, erlerdiki 72,23 jasty qurady. 2010 jyly bul kórsetkishter áıelder úshin 83,10-ǵa jáne erler úshin 78,37-ge deıin ósip, ómir súrý uzaqtyǵynyń alshaqtyǵy shamamen 0,2 jylǵa qysqarǵan.
Ǵalymdar áıelderdiń ómir súrý uzaqtyǵynyń ulǵaıý qarqyny baıaýlap kele jatqanyn, dúnıe júzinde ortasha ómir súrý uzaqtyǵy 2030 jylǵa qaraı áıelder úshin 86,54 jasty, erler úshin 83,13 jasty quraıtynyn atap ótti. Soǵan qaramastan áıelderdiń ómir súrý uzaqtyǵy erlerge qaraǵanda áli de joǵary ekenin aıta ketý kerek. Osy tusta erler jasýshasynan jas ulǵaıǵan saıyn Ú-hromosomasy joǵala bastaıtynyn jáne jasqa baılanysty aýrýlardan áıelderge qaraǵanda erterek kóz jumatynyn da aıta ketken jón.