Ánshi Air Astana áýe kompanıasyn aıyptap otyr.
Qyzmetkerler jolaýshynyń ótinishin tirkep, dereý júkti izdeýge kirisken, dep habarlaıdy Almaty-akshamy.kz
Ánshi Erlan Kókeev Air Astana áýe kompanıasyna qymbat aspabyn joǵaltty dep shaǵymdandy.
"Air Astana, ne bolyp jatqanyn túsinsem buıyrmasyn. Sizder ádeıi jasaısyzdar ǵoı deımin. Men qazir ǵana Óskemennen ushyp keldim. Taǵy da aspabymmen másele týyndap otyr. Gıtaram joǵalyp ketti. Eń bastysy gıtara áli kelmedi dep meni aldap otyr. Aldyn ala aspap qalyp qalmasyn dep eskertken bolatynmyn. Eshnárse bolmaıdy dep aıtqan bolatyn. Biraq taǵy aspabym joq. Aspabymdy qaıtaryńdar”, – deıdi Erlan Kókeev.
Oqıǵaǵa qatysty Air Astana áýe kompanıasynyń ókilderi túsinikteme berdi.
"25 maýsym kúni Óskemen-Almaty baǵyty boıynsha KS302 reısin oryndaıtyn ushaq qonǵannan keıin jolaýshy Erlan Kókeev Almaty áýejaıyndaǵy "Joǵalǵan júkter" bólimine júgingen. Ol gıtarasyn júkterdiń arasynan tappaǵanyn habarlaǵan. Qyzmetkerler jolaýshynyń ótinishin tirkep, dereý júkti izdeýge kiristi. Biz gıtarany tabý úshin bar kúsh-jigerimizdi salyp jatyrmyz", – dedi áýe kompanıasynyń ókilderi.
Buǵan deıin Air Astana ushaǵy belgilengen ýaqyttan 7 saǵat erte ushyp ketti degen depýtat Irına Smırnovanyń áýe kompanıasyn sotqa beretini týraly habarlaǵanbyz.