Bul laýazymǵa aqpan aıynda kelgen
Memleket basshysynyń ókimimen Erlan Zamanbekuly Turǵymbaev Qazaqstan Respýblıkasy Prezıdentiniń keńesshisi laýazymynan bosatyldy, dep habarlaıdy Almaty-akshamy.kz Aqorda-ǵa silteme jasap.
Eske salsaq, osy jyldyń aqpan aıynda Memleket basshysynyń ókimimen Erlan Zamanbekuly Turǵymbaev Qazaqstan Respýblıkasy Prezıdentiniń keńesshisi laýazymyna taǵaıyndalǵan edi.
Erlan Zamanbekuly 1962 jyly 14 tamyzda Almaty qalasynda dúnıege kelgen. Bilimi boıynsha - zańger, ishki ister organdaryndaǵy qyzmetin 1984 jyly bastaǵan.
Qaraǵandy oblysy Saran qalalyq atqarý komıtetiniń İshki ister bólimi Qİ bólimshesiniń jedel ýákili bolyp jumys istedi.
1986 jyl men 2002 jyldyń aralyǵynda Alataý jáne Kalının AİİB-nyń tergeý-jedel bólinisterinde, sondaı-aq Almaty qalasynyń QİİD-de ártúrli basqarýshy laýazymdardy atqarǵan.
2002 jyldyń aqpany men qyrkúıegi aralyǵynda - Qazaqstan Respýblıkasy İshki ister mınıstrligi Toǵyzynshy departamentiniń bastyǵy.
2002 jyldyń qyrkúıegi men 2003 jyldyń sáýiri aralyǵynda - Qazaqstan Respýblıkasy İİM Qylmystyq polısıa departamentiniń bastyǵy.
2003 jyldyń sáýiri men 2006 jyldyń mamyry aralyǵynda - Soltústik Qazaqstan oblysy İshki ister departamentiniń bólim bastyǵy, bastyǵy.
2006 jyldyń mamyry men 2006 jyldyń shildesi aralyǵynda - Qazaqstan Respýblıkasy İİM Tergeý komıtetiniń bastyǵy.
2006 jyldyń shildesi men 2012 jyldyń jeltoqsany aralyǵynda - Almaty qalasy İshki ister departamentiniń bastyǵy.
2012 jyldyń jeltoqsannan bastap - Qazaqstan Respýblıkasy İshki ister mınıstriniń orynbasary bolǵan.
2019 jyldyń 12 aqpanynda QR İshki ister mınıstri qyzmetine taǵaıyndaldy.
İİ dárejeli «Aıbyn» ordenimen, İ dárejeli «Qaısar» belgisimen, II dárejeli «Dańq» ordenimen, sondaı-aq İİM-niń jáne İİD-niń qurmet gramotalarymen marapattalǵan.