Májilis tóraǵasy Erlan Qoshanov «Halyqpen birge» qaǵıdasynyń Memleket basshysynyń saıasatynyń negizgi ózegine aınalǵanyn atap ótti. Onyń aıtýynsha, qoǵamdy alańdatqan barlyq ózekti másele Májilis qabyrǵasynda ashyq talqylanyp, birtindep sheshimin tabýda.
"Konstıtýsıalyq sottyń qurylýy – quqyq ústemdigin qamtamasyz etýdegi mańyzdy qadam" dep atap ótken Erlan Qoshanov bul ınstıtýttyń azamattardyń quqyqtaryn qorǵaýdaǵy rólin erekshe atap ótti. Sonymen qatar, ol Qazaqstannyń halyqaralyq saıası úderisterde mańyzy artyp kele jatqanyn jetkizdi.
Ulttyq quryltaıdyń mánine toqtalǵan Májilis tóraǵasy:
"Ulttyq quryltaı – jaı ǵana forým emes, túrli pikirler aıtylatyn mańyzdy alań. Depýtattar Memleket basshysy kótergen áleýmettik máselelerdiń sheshimin tabý jolynda birlesip jumys istep jatyr" – dedi.
Sondaı-aq, halyqtyń jergilikti bılikke degen senimi artyp kele jatqanyn aıtyp:
"Qazirgi ýaqytta turǵyndardyń saılanǵan ákimderge degen senimi burynǵydan da kúsheıdi" – dedi.
Elimizde júzege asyrylyp jatqan saıası reformalar men áleýmettik bastamalar halyqtyń ál-aýqatyn jaqsartýǵa baǵyttalǵan naqty ári júıeli qadam ekeni sózsiz.