Depýtat Rınat Zaıytov Májilistiń halyqqa ashyq túrde jumys istep jatqanyn atap ótti. Onyń aıtýynsha, depýtattardyń apta saıyn úkimet múshelerine ótkir saýaldar joldap, mańyzdy máselelerdi kóterýi – el ishinde senimniń qaıta jandanýyna septigin tıgizip otyr.
"Shalǵaı aýyldaǵy balanyń tisi aýyrsa, oǵan Astanadaǵy mınıstrdiń júregi aýyrýy kerek. Kóterilmeı qalǵan másele, aıtylmaı qalǵan oı joq. Osylaısha, qoǵamdy tolǵandyratyn kóptegen másele sheshimin taýyp, eldiń irgesi bekı tústi. Árbir ıgi is júzege asqan saıyn halyqtyń bılikke degen senimi artyp keledi. Halyqtyń úni, taǵdyry men bolashaǵy, ómiri men ózegi – ol Parlament," – dedi ol.
Bul pikir halyqtyń múddesin qorǵaý jolyndaǵy ashyq ári nátıjeli jumystyń aıqyn kórinisi ekenin kórsetedi.