Akademık Asqar Jumadildaev ǵylymǵa bólinetin qarjynyń tıimdiligine nazar aýdaryp, onyń bólinisin qaıta qaraý qajettigin usyndy. Onyń aıtýynsha, ǵylymǵa bólingen qarajattyń 30%-y Ǵylym akademıasyna, 70%-y Ǵylym jáne joǵary bilim mınıstrligine qalýy tıis.
"Mınıstrlik biryńǵaı ádispen granttardy taratsyn. Alaıda granttardy bólýde memlekettiń múddesi eskerilýi kerek. Akademıa osy múddeni qadaǵalaýǵa mindetti. Biz jylyna 2 500 usaq grant bólgenshe, 3-4 iri grant berip, olardy aýqymdy ǵylymı máselelerdi sheshýge baǵyttaýymyz kerek. Bizde oǵan qajetti bilim de, ǵalymdar da bar," – dedi ol.
Osylaısha, Asqar Jumadildaev ǵylymı qarjylandyrý júıesin jańǵyrtyp, onyń tıimdiligin arttyrý úshin Parlamenttiń sheshim qabyldaý quqyǵyn qarastyrýdy usyndy.