Búgin elimiz Konstıtýsıa kúnin atap ótip jatyr. 2022 jyly Ata zańǵa mańyzdy ózgerister engizildi. Ádildik qaǵıdatyna negizdelgen bul túzetýler búkil qoǵamnyń múddesin eskere otyryp, azamattardyń quqyqtary men bostandyqtaryn keńeıte túsýge jol ashty.
Konstıtýsıalyq reformanyń basty jańalyǵy – Prezıdent jeti jyldyq merzimge bir ret qana saılanatyn boldy, Parlamenttiń yqpaly kúsheıdi. Májilis pen máslıhat depýtattaryn saılaýǵa qatysty aralas saılaý júıesi engizildi. Jańa ınstıtýt – Konstıtýsıalyq Sot quryldy, adam quqyqtaryn qorǵaý tetikteri aıtarlyqtaı kúsheıtildi.
Reformanyń nátıjesinde búkil saıası júıeniń jumysy jańǵyrtyldy, elimizde aýqymdy ári tereń ınstıtýsıonaldyq ózgerister jasaldy.
2022 jylǵy konstıtýsıalyq reformadan týyndaıtyn negizgi bastamanyń biri retinde «Ulttyq qor – balalarǵa» jobasyn atap ótýge bolady.
Jalpy, osy ózgeristerden keıin eki jyl ótti. Búginde biz jańarǵan Ata zań memleketimizdiń damýyna zor yqpal etti dep nyq senimmen aıta alamyz.