Memlekettik keńesshi Erlan Qarın Halyqaralyq Túrki akademıasynyń prezıdenti Darhan Qydyrálimen kezdesti, dep habarlaıdy Almaty-akshamy.kz Inform.kz-ke silteme jasap.
Kezdesýde Memlekettik keńesshi túrkitildes memleketter arasyndaǵy mádenı-gýmanıtarlyq baılanystardyń mańyzdylyǵyn aıtyp, elimizdiń bilim, ǵylym salasyndaǵy basym baǵyttardy atap ótti.
Erlan Qarın Memleket basshysynyń Ulttyq ǵylym akademıasynda jáne Ulttyq quryltaıda sóılegen sózderinde aıtylǵan rýhanıat, mádenıet, bilim, ǵylym salalary boıynsha bastamalarynyń máni men mańyzyna toqtaldy.
Darhan Qydyráli Túrki akademıasynyń bilim, ǵylym baǵytynda atqarǵan jumystary jóninde, onyń ishinde, halyqaralyq uıym sheńberinde Ahmet Baıtursynulynyń 175 jyldyq jáne Muhtar Áýezovtiń 125 jyldyq mereıtoılary aıasynda ótken is-sharalar týraly baıandady. Budan bólek, pandemıadan keıin jalǵasqan Mońǵolıadaǵy arheologıalyq qazba jumystary men ekspedısıalardyń barysyn jetkizdi. Bıyl túrkitildes memleketteri arasyndaǵy yntymaqtastyqtyń ornaǵanyna 30 jyl tolady.
Osyǵan oraı Akademıa prezıdenti baýyrlas elderdiń yqpaldastyǵyn arttyrýǵa qatysty oıymen bólisip, aıtýly datany atap ótý jaıyndaǵy usynystaryn aıtty.