Erkin kúresten Qazaqstan komandasynyń bas bapkeri Madıar Quramysov mamyr aıynda Stambýlda (Túrkıa) ótetin sońǵy lısenzıalyq jarysqa kimderdiń qatysatynyn aıtty, dep habarlaıdy almaty-akshamy.kz olympic.kz-ke silteme jasap.
Bas bapkerdiń aıtýynsha, álemdik lısenzıalyq týrnırge baratyn sportshylar Túrkıada ótken "Iashar Dogý" týrnırinde anyqtalǵan.
"Biz Azıa aımaqtyq lısenzıalyq týrnıri bastalmaı turyp, joldama bolmaǵan jaǵdaıda, sońǵy irikteýde kimderdiń kúresetinin belgilep qoıdyq. "Iashar Dogý" halyqaralyq týrnıriniń qorytyndysyn nazarǵa alamyz. Qazir bizde 3 salmaqta joldama joq.
Sondyqtan, Stambýldaǵy sońǵy týrnırge tómendegi balýandar qatysady:
57 keli: Rahat Qaljan;
65 keli: Adlan Asqarov;
74 keli: Talǵat Syrbaz.
Joldamany kim jeńip alady, sol Olımpıadaǵa barady", - dedi bas bapker.
Kúres túrlerinen sońǵy lısenzıalyq jarys 8 mamyrda bastalady. Al Bishkekte ótken lısenzıalyq týrnırde Álisher Erǵalı (97 keli) men Iýsýp Batyrmurzaev, Serbıadaǵy álem chempıonatynda Azamat Dáýletbekov (86 keli) joldama ıelengen.