Darhan bıyl aqpanda Almatydaǵy elimizdiń VI jazǵy spartakıadasynda top jardy
Qazaqstandyq Darhan Esenǵalı erkin kúresten Azıa chempıony atandy, dep habarlaıdy Almaty-akshamy.kz QazAqparatqa silteme jasap.
Qazaqstandyq Darhan Esenǵalı (74 keli) Azıa chempıonatynyń fınalynda Kırın Kınoshıtamen beldesti.
Darhan Esenǵalı beldesýdi belsendi bastady. Nátıjesinde qarsylasyna qatarynan eki ádis qoldandy. Enshisine birden alty upaı tústi. Odan keıin taǵy da qorjynǵa bir upaı tústi.
Japonıalyq balýan da jeńistiń qoldan sýsyp bara jatqanyn túsinip, eki upaıǵa ıe boldy.
Osylaısha ol qarsylasynan 7:2 esebimen basym túsip, Azıa chempıony ataǵyna ıe boldy.
Ol buǵan deıin 1/8 fınalda sıngapýrlyq Hong Lýdy, shırek fınalda qyrǵyzstandyq Ádilet Japarqulovty jeńip ketti. Al jartylaı fınalda bahreındik Magamedrasýl Aslýevty upaı sanymen jeńdi.
Aıta ketsek, Darhan bıyl aqpanda Almatydaǵy elimizdiń VI jazǵy Spartakıadasynda top jardy. Bul synda ol atalǵan salmaqtaǵy kóshbasshy Nurqoja Qaıpanovty, fınalda Nurlan Bekjanovty utqan edi.
Eske salsaq, el quramasynan erkin kúreste Darhan Esenǵalıdan ózge Azamat Dáýletbekov (86 keli), Rızabek Aıtmuhan (92 keli), Júsip Batyrmurzaev (125 keli) fınalda kúresedi.
Eske salsaq, erkin kúresten jarystyń alǵashqy kúninde qorjynǵa 2 altyn, 1 qola tústi.