2-5 tamyz kúnderi Birikken Arab Ámirlikteriniń astanasy Ábý-Dabıde 12-13, 14-15 jáne 16-17 jas aralyǵyndaǵy jacóspirimder arasynda aralas jekpe-jekten (MMA) álem chempıonaty ótip jatyr, dep habarlaıdy Almaty-akshamy.kz.
Bul jarys tarıhtaǵy eń iri jasóspirimder arasyndaǵy álem chempıonaty boldy. Oǵan 46 elden 653 sportshy qatysyp jatyr. Qazaqstan namysyn 14-15 jáne 16-17 jas aralyǵyndaǵy jasóspirimder quramasynda 35 sportshy qorǵaıdy.
"Ekinshi jarys kúniniń qorytyndysy boıynsha 40 kelige deıingi salmaqta Mańǵystaý oblysynyń ókili Erkebulan Islamamı álem chempıony atandy. Fınalda Qazaqstan sportshysy lıvandyq sportshy Omar Antarmen kezdesti. Tóreshiler biraýyzdan jeńisti qazaqstandyq sportshyǵa berdi", - delingen habarlamada.
Taǵy bir júldeger - Túrkistan oblysynyń sportshysy Orynbasar Perdebek 44 kelige deıingi salmaq dárejesinde úshinshi orynǵa ıe boldy. Qazaqstandyq sportshy Ýkraına men Bolgarıa ókilderin jeńip, jartylaı fınaldyq kezdesýde álem chempıony atanǵan Polsha ókili Ksaver Mosıngten tóreshiler sheshimimen jeńilip qaldy.
16-17 jas aralyǵyndaǵy jekpe-jekter búgin Astana ýaqytymen saǵat 12:00-de bastalady.