Kórermenniń kózaıymyna aınalǵan akterge bul júlde rejıser Elá Gılmannyń «Podsolnýh» («Kúnbaǵys») fılmindegi róli úshin berilgen.
Qazaqstandyq akter Erkebulan Daıyrov Kann kıno syılyǵy boıynsha Azıanyń úzdik akteri (best Asian actor 1st Cannes film awards) atandy, dep habarlaıdy Almaty-akshamy.kz Sputnik Qazaqstan saıtyna silteme jasap.
Saıttyń aqparatyna sáıkes, akterdiń ózi qýanyshty jańalyqty Instagram arqyly bilipti.
Erkebulan Daıyrov 1986 jyly Almaty oblysy Raıymbek aýdany Qarasazda týǵan. T.Q.Júrgenov atyndaǵy Qazaq ulttyq óner akademıasyn bitirgen.
2006 jyldan beri Muhtar Áýezov atyndaǵy Qazaq memlekettik akademıalyq drama teatrynyń akteri bolyp jumys isteıdi.
2013 jyly Qazaqstan jastar odaǵy «Serper» syılyǵynyń laýreaty atandy, 2015 jyly Baýyrjan Momyshuly atyndaǵy «Namys» ordeniniń ıegeri boldy.
«Baýyrjan Momyshuly», «Anaǵa aparar jol», «Qazaq eli», «Juldyzdar toǵysqanda», «Taraz», «Altyn orda» sekildi birqatar fılmde oınaǵan.