Aǵymdaǵy jyldyń 30 shildesinde Almaty qalasy ákiminiń orynbasary Erjan Babaqumarov qalalyq bilim basqarmasynyń basshysy Lázzat Jylqybaevamen birge jumys sapary barysynda bilim berý ınfraqurylymynyń jańa oqý jylynda oflaın formatta oqytý boıynsha oqýshylardy qabyldaýǵa daıyndyǵymen tanysty. Eske salsaq, QR Prezıdenti Qasym-Jomart Toqaev mektep oqýshylarynyń dástúrli formatta oqýǵa daıyndyǵyn qamtamasyz etýdi tapsyrǵan bolatyn.
Jumys sapary aıasynda jańa jáne qosalqy nysandardyń mektep oqýshylaryn qabyldaýǵa daıyndyǵy tekserildi. Aǵymdaǵy jyly tabıǵı ósimniń jáne kóshi-qonnyń artýy arqasynda Almatyda oqýshylar sany 280 myń balaǵa jetti. Osyǵan oraı ári kúrdeli epıdemıologıalyq ahýaldy eskere otyryp, bilim berý úderisi kezinde qaýipsizdik sharalary men áleýmettik qashyqtyqty qamtamasyz etý úshin jańa oqýshy oryndaryn ashý barynsha mańyzdy.
Máselen, №38 gımnazıa men №199 mekteptiń qosalqy nysandary, №40 jáne №45 mektepterdi qalpyna keltirý jáne seısmıkalyq kúsheıtý jumystary tekserildi. №21 mektep aýmaǵyndaǵy 120 oryndy jańa balabaqshanyń daıyndyǵy qosymsha tekserildi. Osy nysandardy iske qosýdyń arqasynda jańa oqý jylyna 1025 jańa oqýshy orny qurylatyn bolady. Almatyda 2025 jylǵa deıin bilim berý nysandarynyń qurylysyn jedel júrgizý qalalyq baǵdarlamasy aıasynda mektepterdegi oryn tapshylyǵyn 73%-ǵa tómendetý josparlanýda.
Sanıtarlyq-epıdemıologıalyq qaýipsizdik sharalaryn saqtaý máselelerine jiti nazar aýdaryldy. №56 gımnazıa mektebiniń tájirıbesi boıynsha oqýshylar men oqý prosesine qatysatyn basqa tulǵalardyń temperatýrasyn ólsheıtin arnaıy kirý júıesin engizý múmkindigi qarastyrylǵan.
Ákimniń orynbasary Erjan Babaqumarov bilim berý mekemeleriniń qurylysy men aýmaǵyn abattandyrýdy merziminde aıaqtaýdyń mańyz ekenin atap ótti jáne bilim berý qaýipsizdigin qamtamasyz etý boıynsha birqatar naqty tapsyrmalar berdi. COVID-19-ǵa qarsy vaksınalanýǵa basa nazar aýdaryldy.
Búginde Almatyda 705 myńǵa jýyq turǵyn vaksınalandy, muǵalimder ekpemen 100% qamtyldy (vaksınalanýy tıis tulǵalar sany boıynsha). Alaıda, balalardy qorshaǵan ortanyń qaýipsizdigin qamtamasyz etý úshin eresek turǵyndardy, onyń ishinde ata-analardy vaksınalaýmen qamtýdy ulǵaıtý qajet.