Medısınalyq saqtandyrý qorynyń qalalyq fılıaly, qoǵamdyq densaýlyq basqarmasy, aýdandar ákimdikteri men emhana basshylarynyń qatysýymen ótken keńes barysynda bekitilgen halyqtyń derekqoryn ózektendirý jáne saqtandyrylmaǵan azamattardy qala ekonomıkasyna tartý jónindegi sharalar máseleleri qaraldy.
Shtab otyrysy barysynda Erjan Babaqumarov halyqty barynsha qamtý boıynsha jumys júrgizý qajettigin atap ótti, dep habarlaıdy Almaty-akshamy.kz
MÁMS júıesine qatysý sapaly jáne tolyqqandy medısınalyq kómek kórsetýdi qamtamasyz etedi. Áleýmettik medısınalyq saqtandyrý paketi sheńberinde qala turǵyndary medısınalyq qyzmetterdiń keńeıtilgen spektrine, onyń ishinde tegin medısınalyq kómektiń kepildik berilgen kóleminiń paketine kirmeıtin rásimderge qoljetkize alady.
Bar máselelerdi sheshý maqsatynda Almaty ákiminiń orynbasary E. Babaqumarov saqtandyrylmaǵan halyqty qala ekonomıkasyna tartý boıynsha sharalar paketin qabyldaýdy tapsyrdy. Bul rette jumyspen qamtýdy, onyń ishinde NEET sanatyndaǵy jastardy qamtamasyz etý boıynsha memlekettik qoldaý quraldaryn keńinen paıdalaný qajet.
Aýdan ákimdikteri, qoǵamdyq densaýlyq basqarmasy, respýblıkalyq elektrondyq densaýlyq saqtaý ortalyǵy, MKD jáne MSAK-pen birlesip, SHOB sýbektileriniń tólemderdi ýaqtyly tóleýi, bekitilgen halyq tirkelimindegi derekterdi ózektendirý, saqtandyrylmaǵandardy anyqtaý jáne olardyń aǵymdaǵy áleýmettik mártebesin aıqyndaý boıynsha jumys júrgizýi tıis. Bul rette MÁMS múmkindikteri týraly aqparattyq-túsindirý jumystaryn jalǵastyrý qajet.
Qosymsha aqparatty Qoldau 24/7 qosymshasy, Saqtandyry telegramm-boty jáne fms.kz saıty arqyly alýǵa bolady. Al, saqtandyrý mártebesi bolmasa jarnalardy tóleýdi bastaý usynylady.