Almaty ákimi Erbolat Dosaev topyraqtyń laılanýy sapdarynan bolǵan tehnogendik sıpattaǵy laı kóshkini bolǵan jerge keldi.
Sol jerde qala basshysy búlingen ǵımarattardy aralap, shuǵyl kóshpeli keńes ótkizdi.
«Basty basymdyq - izdeý-qutqarý jumystary. Aldyn ala aqparat boıynsha úıde turatyn adamdardy izdeý boıynsha barlyq jumyldyrý toptarynyń jumysyn úzdiksiz qamtamasyz etý qajet», - dedi Erbolat Dosaev.
Kórshilerdiń aıtýynsha, bul úıde 4 adamnan turatyn otbasy bolǵan.
Ákimniń tapsyrmasy boıynsha bolǵan oqıǵanyń sebepterin tekserý jáne laı kóshkini saldaryn joıý boıynsha arnaıy top quryldy. Esterińizge sala keteıik, 8 aqpanda Medeý aýdanynyń «Taý Samaly» shaǵyn aýdanyndaǵy Olımpııskaıa kóshesi boıynda tehnogendik sıpattaǵy topyraqtyń laılanýy saldarynan laı kóshkini bolǵan.
Ákimniń tapsyrmasy boıynsha bolǵan oqıǵanyń sebepterin tekserý jáne laı kóshkini saldaryn joıý boıynsha arnaıy top quryldy.
Saǵat 08:00-degi jaǵdaı boıynsha izdeý-qutqarý jumystary jalǵasýda. Bul jerde jedel medısınalyq kómek brıgadalary bar.
Aqparat tolyqtyrylady. Tek resmı derekterge senýge shaqyramyz.