Azamattarymyzdyń ál-aýqatyn jaqsartý - basty mindet
Almaty qalasynyń ákimi Erbolat Dosaevtyń Alataý aýdanynyń turǵyndarymen kezdesýi ótip jatyr, dep habarlaıdy Almaty-akshamy.kz.
«Qurmetti Alataý aýdanynyń turǵyndary! Sizderdi kezekti kezdesýde kórgenime qýanyshtymyn! Búginde bizdiń mańyzdy mindetimiz ekonomıkany odan ári damytý, azamattarymyzdyń ál-aýqatyn jaqsartý bolyp tabylady», - dedi qala basshysy turǵyndarǵa.
Sonymen birge, ákimniń aıtýynsha, osy jyly 9 aqpan jáne 28 sáýirde ótken kezdesýde aýdan turǵyndary 120-ǵa jýyq másele kótergen bolatyn. Olar negizinen turǵyn úı-kommýnaldyq sharýashylyq, qoǵamdyq kólik, áleýmettik sala, jer qatynastary, bıznesti qoldaýǵa qatysty boldy. Sonymen birge, jeke sıpattaǵy máseleler boıynsha suraqtar qoıyldy.
«Kezdesý barysynda 57 suraqqa túsinikteme berildi. Qalǵan 63 másele boıynsha men hattamalyq tapsyrmalar berdim. Olardy qalalyq basqarmalar men komýnaldyq qyzmetter oryndap jatyr. Búginde tapsyrmalardyń 70%-y oryndaldy. Qalǵandary boıynsha jumys júrip jatyr. Endi sizder kótergen meselelerdi sheshý boıynsha qabyldanǵan jáne qabyldanyp jatqan sharalarǵa toqtalaıyn», - dedi Erbolat Dosaev.