Búgin Qazaqstan Respýblıkasy Premer-Mınıstriniń orynbasary Eraly Toǵjanov jumys saparymen Almaty qalasyna keldi.
Shahar basshylyǵymen birlesip, beınekonferensbaılanys rejıminde qalanyń aýrýhanalary men emhanalarynyń 70-ten astam bas dárigerleriniń qatysýymen keńes ótkizildi, dep habarlaıdy Almaty-akshamy.kz
Qazirgi epıdemıologıalyq jaǵdaıdyń ózekti máseleleri jáne megapolıste COVID-19 taralýyna jol bermeý boıynsha qabyldanyp jatqan sharalar barysy qaraldy.
Koronavırýs ınfeksıasynyń taralý qarqyny boıynsha Almaty «sary» aımaqta. Kóktemniń basy men orta sheginde aýrý kórsetkishteriniń tómendeýinen keıin qaıta joǵarylaý tendensıasy baıqalýdy. Osylaısha, aýrýǵa shaldyǵý derekteriniń ósýi 0,2% - ke deıin ósti, taralý koefısıenti 1-den joǵary. Juqtyrý oshaqtarynyń eń kóp sany Bostandyq, Almaly, Alataý, Bostandyq jáne Medeý aýdandarynyń aýmaǵynda ornalasqan.
Infeksıanyń ósý sebepteri men kózderi-qoǵamdyq oryndarǵa barý, úı oshaqtaryndaǵy, qalalyq kóliktegi, jumys ornyndaǵy baılanystar, sondaı-aq vaksınasıa men revaksınasıa qarqynynyń tómendeýi.
Turǵyndar arasynda indetke shaldyǵý derekterin azaıtý maqsatynda qala ákimshiligimen vaksınasıa men revaksınasıa, naýqastardy oqshaýlaý barysyn baqylaý, negizgi aldyn alý erejelerin saqtaý qajettiligi týraly halyqpen túsindirý jumystaryn kúsheıtý boıynsha birqatar sharalar qabyldandy.
Sonymen qatar pandemıanyń jańa tolqynyna Almatyda qýattylyǵy 7000 tósek-oryndyq qýaty bar, onyń ishinde 250 reanımasıalyq oryndyq 23 kovıdtik klınıka daıyndaldy.
Medısınalyq qoǵamdastyq ókilderimen keńes barysynda KVI aldyn alý máseleleri qaraldy.
QR Premer-Mınıstriniń orynbasary Eraly Toǵjanov qalada syrqattanýshylyqtyń ósý jaǵdaılaryna, sondaı-aq MSAK jumysyn úılestirýdiń, vaksınasıa men revaksınasıany uıymdastyrý mańyzdylyǵyna, Almaty qalasynyń densaýlyq saqtaý júıesiniń koronavırýs ınfeksıasy aýrýshańdyǵynyń kezekti yqtımal órshýine daıyndyq deńgeıine nazar aýdardy.
«Búgin qoıylǵan mindetterdi qalanyń bas memlekettik sanıtarıalyq dárigerimen birlesip taldap, koronavırýs ınfeksıasynyń aldyn alý jáne taralýyna jol bermeý boıynsha qajetti sharalar qabyldaýdy suraımyn», — dep atap ótti E. Toǵjanov.
Keńes sońynda vıse-premer qala basshylyǵyna COVID-19-ǵa qarsy ımmýndaý naýqanyn kúsheıtýdi tapsyrdy. Sondaı-aq, halyq arasynda sapaly túsindirý jumystaryn júrgizýdi kúsheıtý qajettiligin atap ótti.