Almaly aýdany №147 gımnazıada Keńes Odaǵynyń batyry Álıa Moldaǵulova men Halyq qaharmany Rahymjan Qoshqarbaevtyń týǵanyna -100 jyl tolýyna oraı aýdandyq «Otan Daýysy» atty áskerı-patrıottyq ánder baıqaýy ótti. Sum soǵys salǵan lań men júrektegi jarany balaýsa ónerpazdar shynaıy jetkizdi. Ananyń saǵynyshy, balanyń ákeni ańsaýy baıqaýdyń negizgi qazyǵyna aınaldy. Aýdan mektepteriniń oqýshylary patrıottyq ánder shyrqap, óz eline degen súıispenshilik sezimderin bildirdi.
«Biz búgingi urpaq beıbit ómir, alańsyz kúlki, tynysh uıqyny armandaımyz. Sol úshin aspanymyz ashyq, ómirimiz tynysh bolsa eken deımiz. Bizdiń tilegimiz de, maqsatymyz da-beıbitshilik» dep shyrqaǵan balalardyń áni kók aspanda qalyqtady.
