Jolaýshy ushaqtan sekirip túsip qalǵan soń ushý-qoný alańynan órt sóndirý stansıasynyń ǵımaratyna qaraı bet alyp, sondaǵy bir bólmege kirip, ishinen tars qulyptap aldy
30 jastaǵy er adam AQSH-taǵy Fenıks Skaı-Harbor halyqaralyq áýejaıynda jyljyp bara jatqan ushaqtan sekirip ketti, dep habarlaıdy Almaty-akshamy.kz Zakon.kz-ke silteme jasap.
Ushaq ushý alańyndaǵy jolaqtyń birine bet alyp bara jatqan, dep jazady Gazeta.rý. Oqys oqıǵa Kolorado Sprıngs qalasynan ushyp kelgen №4236 reısinde boldy.
«Aldyn ala derekter boıynsha, ushaq ushý alańyndaǵy jolaqtyń birine qaraı jyljyp bara jatqanda borttaǵy jolaýshynyń biri áýe kemesiniń artqy bóligindegi lúk arqyly syrtqa sekirip ketken»,-deıdi Southwest Airlines kompanıasynyń ókili Den Lendson.
Osydan keıin kapıtan ushaqty toqtatyp, avıasıalyq-dıspecherlik qyzmetti bolǵan jaıdan habardar etti, dep atap ótti ol. Er adam ushý-qoný alańyna qulap, aıaǵyn jaraqattady.
Jolaýshy ushaqtan sekirip túsip qalǵan soń ushý-qoný alańynan órt sóndirý stansıasynyń ǵımaratyna qaraı bet alyp, sondaǵy bir bólmege kirip, ishinen tars qulyptap aldy. Órt sóndirýshiler er adamnyń óz betimen esik ashýǵa kóndirdi. Ony tekserip, aıaq jaraqatymen aýrýhanaǵa jetkizdi.
Ushaq reısi shamaly kidiris pen másele talqysynan soń óz marshrýty boıynsha jolǵa shyqty. Laıner Kolorado Sprıngske aman-esen ushyp ketti.