EQYU janyndaǵy AQSH mısssıasy 2022 jyldyń 20 qańtarynda Venada Qazaqstandaǵy ahýal talqylanǵan uıymnyń Turaqty keńesi otyrysyndaǵy málimdemesin jarıa etti, dep habarlaıdy almaty-akshamy.kz QazAqparatqa silteme jasap.
EQYU janyndaǵy AQSH-tyń turaqty ókili, Elshi Maıkl Karpenter qańtardaǵy oqıǵalar kezindegi adamdardyń ólimine baılanysty qazaqstandyqtarǵa kóńil aıtyp, Qazaqstannyń egemendigi men táýelsizdigine árdaıym qoldaý kórsetiletinin atap ótti.
«Qazaqstan halqynyń jáne onyń konstıtýsıalyq qurylymynyń beriktigine, sonymen qatar olardyń osynaý daǵdarystan ońalýǵa qabiletti ekendigine senemiz», - dep atap ótti amerıkalyq dıplomat.
M.Karpenter AQSH Memlekettik hatshysy E.Blınkenniń sózine súıene otyryp, Vashıngton Qazaqstanmen seriktestikten aınymaıtyndyǵyn jáne Prezıdent Qasym-Jomart Toqaev usynǵan reformalarǵa qoldaý kórsetetindigin qýattady.
Amerıka ókili qazaqstandyq bılikti tergeýlerdiń ashyqtyǵyn qamtamasyz etýge jáne qajetti quqyqtyq prosedýralardy saqtaýǵa, sondaı-aq beıbit jolmen ózderiniń narazylyǵyn bildirýshiler men zorlyq-zombylyqqa, tonaýǵa qatysýshylar arasyn saralaýǵa, ustalǵan tulǵalardyń barlyq sanattary úshin tıisti quqyqtyq prosedýralardy qamtamasyz etýge shaqyrdy.
Úkimet pen azamattyq qoǵamnyń beıbit elementteri arasyndaǵy syndarly dıalogtyń mańyzdylyǵy aıtyldy. Azamattardyń beıbit jınalystardy erkin júzege asyrý, BAQ-qa qurmet tanytý jáne bostandyǵyn qoldaý mańyzdylyǵy erekshe atalyp ótildi.
«Biz Prezıdent Qasym-Jomart Toqaev 11 qańtarda ultqa arnaǵan úndeýinde atap ótkenindeı, Qazaqstanmen mańyzdy ekonomıkalyq, saıası, bilim berý jáne ekologıalyq máseleler boıynsha seriktestigimizdiń jalǵasýyn taǵatsyzdana kútemiz», - dep atap ótti AQSH Elshisi.
Onyń atap ótýinshe, Qazaqstandaǵy EQYU ókildigi qoǵam turaqtylyǵyn nyǵaıtý jáne reformalardy ilgeriletýge járdemdesý úshin paıdaly quraldarǵa ıe.