Taraptar arnaıy Memorandýmǵa qol qoıdy.
Eýropalyq qaıta qurý jáne damý banki Qazaqstan úkimetine qoldaý kórsetýge daıyn, dep habarlaıdy Almaty-akshamy.kz.
«Búgin QR Ekologıa, geologıa jáne tabıǵı resýrstar mınıstri Serikqalı Brekeshevtiń Eýropalyq qaıta qurý jáne damý bankiniń (EQDB) vıse-prezıdenti Alan Pıýmen kezdesýi ótti.Kezdesý barysynda taraptar metan shyǵaryndylaryn azaıtý úshin ózara yntymaqtastyq jáne Qazaqstanǵa qoldaý kórsetý týraly Memorandýmǵa qol qoıdy»,- delingen Ekologıa mınıstrliginiń baspasóz qyzmetiniń habarlamasynda.
Metan shyǵaryndylaryn azaıtý, monıtorıńti, eseptilikti jáne ár túrli salalardaǵy verıfıkasıany jaqsartý bizdiń elimiz úshin mańyzdy mindet bolyp tabylady. EQDB Qazaqstannyń energetıka jáne gaz tasymaldaý, aýyl sharýashylyǵy, qatty-turmystyq qaldyqtar men sý burý salasyndaǵy negizgi sektorlarǵa basa nazar aýdara otyryp, osy baǵyttaǵy kúsh-jigerdi qoldaýǵa nıetti.
Memorandýmdy iske asyrý sheńberinde taraptar metandy azaıtý salasyndaǵy jobalardy birlesip iske asyrýǵa kirisýge, sondaı-aq eń úzdik halyqaralyq praktıka men standarttarǵa sáıkes gazdyń osy túrin retteýdiń jańa quraldary boıynsha múmkindikterdi paıdalanýdy qaraýǵa daıyn.
Memorandým eldiń 2060 jylǵa qaraı kómirtegi beıtaraptyǵyna qol jetkizýine yqpal etetin bolady.