Vaksına almaı turyp, aldymen aǵzada antıdenelerdiń bolýyna IFT-test tapsyrý kerek.
№12 qalalyq emhananyń epıdemıology Danara Ýkıeva aýrýdan keıin antıdenelerdiń alty aı boıy saqtalatynyn aıtty, dep habarlaıdy Almaty-akshamy.kz.
Vaksına almaı turyp, aldymen aǵzada antıdenelerdiń bolýyna IFT-test tapsyrýyńyz kerek. Eger vaksınanyń birinshi dozasyn alǵan naýqas aýyryp qalsa, ekinshisin saldyrý úshin alty aı kútý qajet.
«Eger antıdeneler sany belgili bir tıtr mólsherinen asyp ketse, onda vaksına alýǵa bolmaıdy. Al antıdeneler sany az bolsa, vaksına qajet, áıtpese, aýyryp qalýyńyz múmkin. Ár aǵzanyń derbes jáne antıdenelerdiń joıylý jyldamdyǵy ártúrli ekenin túsiný kerek», — dedi Danara Ýkıeva.
Epıdemıolog vaksınanyń qalaı ótetinin túsindirdi: azamat ekpe pýnktine keledi, kelisimge qol qoıady, terapevten medısınalyq tekserýden ótedi jáne osydan keıin ǵana deltoıdty bulshyqetke vaksınanyń birinshi dozasyn alady. Sodan keıin beıdj berilip, kútý aımaǵyna jiberiledi, onda otyz mınýt mamandardyń baqylaýynda bolady. Vaksınadan keıin naýqastardyń densaýlyǵy suralady.
Danara Ýkıevanyń aıtýynsha, vaksınany 18 jasqa deıingi adamdar, júkti áıelder, emizetin áıelder, sondaı-aq alergıalyq reaksıalar men sozylmaly aýrýlary bar adamdardan basqalar alýǵa tıis.
Eske salsaq, Almatyda qala turǵyndarynyń vaksına alý naýqany júrip jatyr. Almatylyqtarǵa yńǵaıly bolý úshin qalada 211 ekpe pýnkti jumys isteıdi. Olar emhana, saýda ortalyqtary, bazar, mektep, mádenıet nysandarynda ornalasqan jáne kún saıyn demalyssyz tańǵy 8-den keshki 8-ge deıin jumys isteıdi.