12 jastan asqan jasóspirimderge arnalǵan Comirnaty vaksınasynyń údetkish dozasyn maquldandy
Eýropalyq Odaq retteýshisi 12 jastan bastap jasóspirimderge arnalǵan Comirnaty vaksınasynyń údetkish dozasyn maquldady, dep habarlaıdy Almaty-akshamy.kz COVID-19 taralýyna jol bermeý jónindegi vedomstvoaralyq komısıasynyń málimetterine silteme jasap.
Sonymen qatar, Eýropalyq dári-dármekter agenttigi (EMA) 6-11 jas aralyǵyndaǵy balalardy Moderna kompanıasynyń Spikevax preparatymen vaksınasıalaý týraly ótinishin maquldaýdy usyndy.
Italıa bıligi 31 naýryzdan bastap kovıdke baılanysty tótenshe jaǵdaı rejımin uzartpaıdy. Atap aıtqanda, elde qoǵamdyq oryndarǵa barý úshin qajet bolatyn vaksınalyq ruqsattamalardy kezeń-kezeńimen alyp tastaý josparlanýda.
Bul, eń aldymen, jármeńkeler, sporttyq is-sharalar, festıváldar men shoýlardy qosa alǵanda, ashyq aspan astyndaǵy buqaralyq is-sharalarǵa qatysýshylarǵa qatysty bolady.
Nú-Delı bıligi 28 aqpannan bastap covid-19 vırýsyna baılanysty shekteýlerdi alyp tastaı bastaıdy. Qalada komendanttyq saǵat toqtatylady, sonymen qatar maskalar bolmaǵany úshin aıyppul mólsheri 1000-nan 500-ge deıin tómendetiledi. Úndistan astanasynyń Bas mınıstri Arvınd Kejrıval atap ótkendeı, Nú-Delı mektepterinde kúndizgi oqý 1 sáýirden bastap qaıta bastalady.