Maınıng fermalar ulttyq elektr júıesinen bólinýi múmkin.
QR Energetıka mınıstri Bolat Aqsholaqov maınıng fermalardy ulttyq elektr júıesinen bólip tastaýdy usyndy, dep habarlaıdy Almaty-akshamy.kz
«Bul ázirge oı-pikir deńgeıinde ǵana qaralyp jatyr. Naqty shara bolýy úshin zańdy túrde bekitý kerek. Zańnyń ózinen bastap, zańnan týyndaıtyn erejelerge túzetýler engizilýi kerek. Sebebi maınıngtiń quny ósetin bolsa, elektr qýatynyń tapshylyǵy týyndaýy múmkin. Ony boldyrmaý úshin aldyn ala shara engizýimiz qajet. Bizdiń oıymyz, birinshiden, maınıng naryǵy syrttan keletin ımporttyq elektr qýatyn tutynýshy dep tanylýy kerek», - dedi mınıstr.
Onyń aıtýynsha, bolashaqta maınıng kásiporyndary ulttyq elektr júıesinen tysqary stansalar quryp, sol arqyly elektr tutyna alýy múmkin.
«Sondaı-aq balamaly energıanyń quny da biraz qymbat. Ony da maınıng salasynyń kásiporyndary tutynady dep engizýge bolady. Maınıngpen aınalysatyn kásipkerler óz atynan, óz aqshasymen stansa quratyn bolsa jáne bul stansa ulttyq elektr júıesine kirmeı, ózderi tutynýshy retinde alatyn bolsa, oǵan eshqandaı tyıym joq. Ony da jasaýǵa bolady»,- dedi Bolat Aqsholaqov.