Qazaqstanda motor maıyn tańbalaýdy engizý aǵymdaǵy jyldyń qyrkúıek aıynda josparlanýda, dep habarlaıdy aqshamnews.kz
Úkimettiń baspasóz qyzmetiniń habarlaýynsha, qyzyl jáne qara ýyldyryq, motor maılary, antıseptıkter men velosıpedterge tańbalaýdy engizý týraly sheshim qabyldanǵan. EAEO elderi ónimniń árbir túri boıynsha tańbalaýdy engizý merzimi men tártibin derbes belgileıdi.
"EEK Keńesiniń sheshimimen EAEO Biryńǵaı karantındik fıtosanıtarıalyq talaptaryna túzetýler engizildi. Olar qulpynaı antraknozynyń qozdyrǵyshynan (Colletotrichum acutatum) bos aımaqtardan jetkiziletin alma aǵashtary (Malus spp.) jáne almurttyń (Pyrus spp.) kóshetteriniń, tamyr sabaqtarynyń, qalemsheleriniń jáne jemisteriniń shyǵý tegi úshin erekshe jaǵdaılardy belgileýge qatysty, dep habarlady úkimet.
Medısınalyq buıymdardyń qaýipsizdigin, sapasy men tıimdiligin tirkeý jáne saraptaý qaǵıdalary da jańartyldy. Ózgerister 2024 jyly klınıkalyq-zerthanalyq zertteýler júrgizý erejeleriniń jańa redaksıasyn qabyldaýǵa baılanysty. Olar ónimdi tirkeýge jáne saraptaýǵa ketetin ýaqyt pen eńbek shyǵyndaryn azaıtady.
"Ónerkásiptik robototehnıkany damytý úshin jańa eýrazıalyq tehnologıalyq platforma qurý týraly sheshim qabyldandy. Onyń maqsaty – EAEO elderiniń ónerkásiptik robottardy ázirleý jáne engizý, sondaı-aq perspektıvaly komersıalyq tehnologıalardy qalyptastyrý salasyndaǵy ınovasıalyq yntymaqtastyǵyn yntalandyrý. Platforma aıasynda robototehnıkany damytýdyń memleketaralyq baǵdarlamasy ázirlenedi. Bul jumysqa Qazaqstannan Qazaqstandyq avtomattandyrý jáne robototehnıka qaýymdastyǵy qatysady, dep qosty vedomstvo.
Sondaı-aq energetıka, kólik, syrtqy saýda, básekelestik jáne tehnıkalyq retteý salalaryndaǵy máseleler qaraldy.