Sebebi, sý únemdeıtin júıelerge kóshken sharýalar úshin sýbsıdıa mólsheri 85%-ǵa deıin ulǵaıtyldy, dep habarlaıdy aqshamnews.kz sala mınıstrligine silteme jasap.
«Bul sharýalardy sý únemdeý tehnologıalaryn belsendi engizýge yntalandyrýǵa baǵyttalǵan shara. Qazirgi zamanǵy sýarý júıelerine kóshý shamamen 20-30% sý únemdeýge jáne 2030 jylǵa qaraı elimizdegi egis alqaptaryn 1,3 mln gektarǵa deıin ulǵaıtýǵa múmkindik beredi»,- dedi Sý resýrstary jáne ırrıgasıa mınıstrliginiń Sýdy únemdeý tehnologıalaryn damytý departamentiniń dırektory Berikbol Mándibaev.
Eske sala keteıik, Sý resýrstary jáne ırrıgasıa mınıstrligi 2024-2026 jyldarǵa arnalǵan sý únemdeýdiń Jol kartasyn ázirledi. Qujat sý zańnamasyn jetildirý, sý salasyn sıfrlandyrý, sýdy esepke alý men sý únemdeýdiń zamanaýı tehnologıalaryn engizý jónindegi is-sharalardy kózdeıdi.
Sondaı-aq, bıyl sharýalar úshin uńǵymalardy burǵylaý jáne sý únemdeý júıelerin satyp alýǵa jáne ornatýǵa jumsaǵan shyǵyndaryn sýbsıdıalaý mólsheri 50%-dan 80%-ǵa deıin ulǵaıtyldy.
Oblystyq ákimdikterge sý únemdeý tehnologıalaryn engizý boıynsha naqty tapsyrmalar berildi. Egis alqaptarynda zamanaýı júıelerdi engizý boıynsha 2030 jylǵa deıingi master-jospar daıyndaldy jáne bekitildi.