Jeke tulǵalarǵa 150 AEK (553,8 myń teńge), zańdy tulǵalarǵa 300 AEK (1,1 mln teńge) kóleminde aıyppul salýdy usynylyp otyr.
Mádenıet jáne aqparat mınıstrligi azamattar tarapynan túsken shaǵymdardy eskerip, zańǵa túzetý engizbek, dep habarlaıdy Almaty-akshamy.kz
Vedomstvoǵa konserttik is-sharalardyń tómen sapasyna, atalǵan konsert uıymdastyrýshylarynyń jaýapsyzdyǵyna, qazaqstandyq jáne sheteldik ártisterdiń shyǵarmashylyǵynyń sapasyna jáne tártibine qatysty máseleler jıi joldanady.
Atap aıtqanda, 2022-2024 jyldary sheteldik jáne otandyq ártisterdiń qatysýymen bolǵan janjaldy oqıǵalar úlken qoǵamdyq rezonans týdyrdy jáne áleýmettik jelilerde kóptegen teris pikirler jazylady.
Qazaqstandyq oryndaýshylarǵa qatysty, 2022 jyly sahnany qorlap, kópshiliktiń aldynda bylapyt sózder aıtqan Irına Kaıratovnanyń komandasy men Shiza degen atpen belgili Asqat Jolshıev synǵa qaldy. Memlekettik rámizge degen qurmetsizdigi qoǵamnyń ashýyn týdyrdy. 2022 jylǵy naýryzda Semeıde Qazaqstannyń Halyq ártisi Roza Rymbaevanyń konsertine baılanysty oqıǵa, Pavlodarda tanymal ártis Tóreǵalı Tóreáliniń áreketi daý týdyrǵany belgili.
Sondaı-aq amerıkalyq oryndaýshylar Akon, 50 Cent-ke qatysty qyzý talqy boldy. Atalǵan oqıǵalar shoý-bıznes ókilderiniń moraldyq-ádeptik minez-qulqyna qatysty kóptegen pikir-talas týdyrdy.
Sondyqtan kópshilik konserttik qyzmetti retteýge qatysty zańnamany jetildirýdi jáne ártister men is-sharalardy uıymdastyrýshylardyń jeke jaýapkershiligin belsendi túrde talap etýde.
Oıyn-saýyq mádenı-buqaralyq is-sharalardy ótkizý barysynda kórermendermen qarym-qatynas kezinde ártisterdiń normatıvtik emes leksıkany qoldaný, alkogóldik ishimdikterdi ishý, alkogóldik jáne/nemese esirtkilik masań kúıde bolý, sondaı-aq psıhotroptyq zattardyń, olardyń analogtary men prekýrsorlarynyń áserinen oryn alatyn minez-qulqyn tanytqany úshin jeke tulǵalar men zańdy tulǵalarǵa aıyppul salynady, - delingen zań jobasynda.
Mınıstrlik jeke tulǵalarǵa 150 AEK (553,8 myń teńge), zańdy tulǵalarǵa 300 AEK (1,1 mln teńge) kóleminde aıyppul salýdy usynyp otyr.
Bir jyl ishinde osyndaı buzýshylyq qaıtalansa, jeke tulǵalarǵa 200 AEK (738,4 myń teńge), zańdy tulǵalarǵa 600 AEK (2,2 mln teńge) kóleminde aıyppul salýdy zańmen bekitedi.