Probasıa qyzmetiniń esebinde turǵan sottalǵandar úshin áleýmettik qoldaý alý prosesi jeńildedi. Endi olar jańa “FSM Social” mobıldi qosymshasy arqyly memlekettik organdardan onlaın túrde kómek suraı alady, - dep habarlaıdy Aqshamnews.kz tilshisi.
Qosymshanyń múmkindikteri
Jańa servıs qoǵamnan oqshaýlaýmen baılanysty emes jazaǵa tartylǵandarǵa qoljetimdi. Bul qosymsha arqyly:
-
áleýmettik-psıhologıalyq jáne zańgerlik keńeske júginý;
-
jumyssyzdyq máselesi boıynsha tıisti mekemelerge ótinish joldaý;
-
túrli áleýmettik qoldaý sharalaryna ótinish berý múmkindigi paıda bolady.
Qosymshany paıdalaný úshin probasıa ınspektoryna júginip, óz suraǵyn geolokasıa men fotosýret qosa otyryp, “FSM Social” arqyly jiberý jetkilikti.
Alǵashqy nátıjeler
Qazir Aqtóbe oblysynda probasıa qyzmetinde esepte turǵan jáne túzeý mekemelerinen bosatylǵan 200-ge jýyq adam qosymshany paıdalanyp, túrli baǵytta kómek alýǵa ótinish bildirgen.
Qajet qoldaý baǵyttary qandaı?
-
Zańgerlik kómek: shamamen 50 adam bank shottarynyń buǵattalýyna baılanysty keńes alǵan.
-
Jumyspen qamtý: 14 adam Mansap ortalyǵynyń mamandarymen birlesip, bos jumys oryndary jármeńkesine shaqyrtý aldy.
Mamandardyń pikirinshe, “FSM Social” qosymshasy tek sottalǵandarǵa qajetti kómek kórsetip qoımaı, olardyń qaıta qylmys jasaýyna ıtermeleıtin faktorlardy azaıtýǵa yqpal etedi. Sonymen qatar, probasıa ınspektorlarynyń jumysyn da jeńildetedi.