Belgili bir sebepterge baılanysty tabystan aıyrylǵanyńyzdy nemese otbasynda kiris azaıǵanyn tıisti qujatpen rastaı alsańyz, nesıe tólemin keıinge shegerte alasyz, dep habarlaıdy aqshamnews.kz
Eger Siz:
áleýmettik osal toptaǵy azamat bolsańyz;
tótenshe jaǵdaıdan zardap shekseńiz;
kásipker bolsańyz — bul jańa ereje Sizge qatysty.
Jeńildik qandaı jaǵdaıda jasalady?
Belgili bir sebepterge baılanysty tabystan aıyrylǵanyńyzdy nemese otbasynda kiris azaıǵanyn tıisti qujatpen rastaı alsańyz, nesıe tólemin keıinge shegerte alasyz. Ol kezde aı saıynǵy tólemdi 3 aıǵa deıin keıinge qaldyrýǵa bolady.
Ne isteý kerek?
Iá, jańa tártiptiń óz sharty bar. Qaryz ıesi arnaıy bekitilgen formada ótinish jazyp, turmys jaǵdaıynyń qıyndaǵanyn rastaıtyn qujattaryn tapsyrýy kerek. Al bank nemese mıkroqarjy uıymy ony 15 kún ishinde qaraýǵa tıis.
Buǵan deıin elimizde nesıe tólemin keıinge shegerý týraly naqty ári mindetti mundaı tártip bolmaǵan. Tutynýshylar bankke nemese mıkroqarjy uıymyna jaǵdaıyn aıtyp ótinish bergenimen, sheshim shyǵarý — uıym quzyretinde boldy. Endi jańa talapqa saı, ótinishińiz ýaqytyly qaralmasa, jaýapty mekemelerge shaǵymdana alasyz. Ereje tamyzdyń 31-inen bastap kúshine enedi.
QR Qarjy naryǵyn retteý jáne damytý agenttiginiń ókili Ǵadilbek Ákim bylaı deıdi:
«Nesıeni shegergilerińiz kelse aldyn-ala qımyldaǵan jón. Kóp sozbaı ombýdsmenderge shyǵý kerek. Odan sheshim bolmaı jatsa, árıne, qarjy naryǵyn qadaǵalaý agenttigine resmı túrde E-Ótinish arqyly nemese aımaqtyq ókilderge nemese ortalyq apparatqa kelip, aryz jazýyńyzǵa bolady.»