Bul ózgerister aldaǵy oqý jylynda 1-synypqa qabyldanǵan kezde engiziledi.
Endi balalar lıseıler men gımnazıalarǵa 1-synypqa qabyldaný úshin emtıhan tapsyrmaıdy, dep habarlaıdy Almaty-akshamy.kz
Bul týraly Oqý-aǵartý mınıstrligi Orta bilim komıtetiniń tóraǵasy Qanybek Jumashev málimdedi.
«Bul norma daıyndyq deńgeıine qaramastan balalardy qabyldaýǵa qoıylatyn shekteýlerdi alyp tastap, negizgi bilimdi meńgerý úshin teń múmkindikter men qoljetimdilikti qamtamasyz etedi»,- dedi Jumashev.
Tóraǵanyń aıtýynsha, testileýge qatysýdan týyndaıtyn psıhologıalyq kúızelis joıylady. Kúızelis balanyń psıhoemosıonaldy jaǵdaıyn nasharlatyp, onyń densaýlyǵyna teris áser etýi múmkin.