Qazaqstandyqtardyń ár saparyn İshki ister mınıstrligi baqylaıtyn boldy, dep habarlaıdy aqshamnews.kz
Tıisti buıryqqa Qazaqstannyń kólik mınıstriniń mindetin atqarýshy qol qoıdy.
Qazaqstanda 31 tamyzdan bastap áýe, temirjol jáne teńiz kólikterimen júretin jolaýshylar týraly málimetter quqyq qorǵaý jáne arnaıy memlekettik organdarǵa beriletin boldy. Bul ózgerister halyqaralyq standarttarǵa sáıkestendirý úshin engizilip otyr.
Áýe kompanıalary, onyń ishinde sheteldik tasymaldaýshylar da, jolaýshylar men ekıpaj týraly derekterdi eki márte – reıske 48 saǵat qalǵanda jáne tirkeý aıaqtalǵan soń joldaıdy. Málimetter ishinde aty-jóni, týǵan kúni, jynysy, azamattyǵy, qujat derekteri, reıs nómiri, ushyp shyǵý jáne kelý ýaqyty men baǵyty, oryn nómiri, bagaj aqparaty jáne (jolaýshy kelisse) baılanys derekteri bolady.
Poıyz bıletteri týraly aqparat táýligine 5 retke deıin, al teńiz kóligi boıynsha táýligine 4 retke deıin joldanady. Jınalatyn derekterdiń ishinde jolaýshynyń aty-jóni, qujat derekteri, sapar baǵyty jáne kelisim bolsa, baılanys nómiri bar.
Barlyq málimet Astana ýaqyty boıynsha tirkeledi jáne 5 jyl boıy saqtalady.
Sonymen qatar etnıkalyq shyǵý tegi, saıası kózqaras, dinı nemese fılosofıalyq senim, kásipodaqqa qatystylyq pen jynystyq baǵdar sıaqty jeke málimetterdi jınaýǵa tyıym salynǵan.