Buıryq 2022 jylǵy 14 tamyzdan bastap kúshine enedi
Densaýlyq saqtaý mınıstriniń 2022 jylǵy 29 shildedegi buıryǵymen aýrýhanalardaǵy medısınalyq kómek kórsetý standartyna ózgerister engizildi, dep habarlaıdy Almaty-akshamy.kz.
Atap aıtqanda, josparly gospıtalızasıa kezinde koronavırýsqa PTR testileýden ótý jáne naýqasty shuǵyl gospıtalızasıalaý kezinde CVI-ǵa ekspress-test jasaý talaptary alynyp tastaldy.
Sonymen jańa túzetýlerde memlekettik qyzmet kórsetý standarttary belgilengen:
• naýqastardy stasıonarǵa jatqyzýǵa joldama berý;
• stasıonarlyq naýqastyń medısınalyq kartasynan úzindi kóshirme berý;
• sanatorıalyq-kýrorttyq emdelý qajettigi týraly qorytyndy berý.
«Demek elektrondy úkimet portaly arqyly sanatorıalyq-kýrorttyq emdelý qajettigi týraly qorytyndy alýǵa bolady», – delingen habarlamada.
Qujattardyń tolyq paketin usynǵan jaǵdaıda MSAK densaýlyq saqtaý uıymynyń dárigeri sanatorıalyq-kýrorttyq kartany resimdeıdi. Oǵan bólim meńgerýshisi qol qoıady jáne densaýlyq saqtaý uıymynyń jaýapty mamanyna beredi.
Odan keıin ótinish berýshiniń jeke kabınetine medısınalyq uıymnyń ýákiletti tulǵasynyń nemese onyń mindetterin atqaratyn tulǵanyń ESQ qoıylǵan memlekettik qyzmetti kórsetý nátıjesin alý kúni týraly habarlama jiberiledi.
Buıryq 2022 jylǵy 14 tamyzdan bastap kúshine enedi.