Táýelsizdik kúni tek 16 jeltoqsanda atap ótiledi.
Qazaqstanda jeltoqsan aıyndaǵy demalys kúnderdiń sany qysqardy, dep habarlaıdy Almaty-akshamy.kz
Normatıvtik-quqyqtyq aktilerdiń aqparattyq-quqyqtyq júıesinde «Qazaqstan Respýblıkasyndaǵy merekeler týraly» zańnyń jańa redaksıasy jarıalandy.
Oǵan sáıkes, endi qazaqstandyqtar Táýelsizdik kúnin tek 16 jeltoqsanda atap ótedi. Sáıkesinshe, sol kúni demalady. Al 17 jeltoqsan – jumys kúni.
Sondaı-aq Táýelsizdik kúni «ulttyq mereke» degen mártebesinen aıyryldy. Budan bylaı ol memlekettik mereke sanalady.
Buǵan deıin zań boıynsha Táýelsizdik kúni 16 jáne 17 jeltoqsan atalyp ótetin.
Sonymen qatar osy zańda 1 jeltoqsan – Tuńǵysh Prezıdent kúni memlekettik merekeler qatarynan alynyp tastaldy. Endi bul kúni demalys bolmaıdy.
Budan bólek, kúntizbege 25 qazanda toılanatyn ulttyq meıram – Respýblıka kúni enip otyr.
Aıta keteri, bıyl el halqy Respýblıka kúnine oraı qatarynan úsh kún – 23, 24 jáne 25 qazan demalady. Al senbi, 22 qazan jumys isteıdi.
Keshe Prezıdent Qasym-Jomart Toqaev «Qazaqstan Respýblıkasynyń keıbir zańnamalyq aktilerine kınematografıa, mádenıet jáne merekeler máseleleri boıynsha ózgerister men tolyqtyrýlar engizý týraly» zańǵa qol qoıdy.