«Jumysshy mamandyqtar jyly» aıasyndaAlmaty Qalasy İshki saıasat basqarmasynyń Qoǵamdyq damý ortalyǵy jastarǵa arnalǵan erekshe taǵylymdy shara uıymdastyrdy,-dep habarlaıdy Aqshamnews.kz.
WORKSHOP formatynda júzege asyp kele jatqan«Eńbek pen sheberlik» jobasynyń kezekti kezdesýi«Eńbekpen shyńdalǵan jetistik» atty taqyrypta ótti.
Bul sharanyń basty maqsaty – jas urpaqtyń kásibı baǵdaryn qalyptastyrý, bolashaq mamandyq tańdaý barysynda durys baǵyt berý jáne eńbek naryǵynda óz ornyn tabýǵa kómektesý. Óıtkeni búgingi tańda qoǵamda bilimmen qatar eńbekqorlyqpen tabandylyqty boıyna sińirgen, óz isiniń naǵyz sheberi bola alatyn mamandar asa qajet.
Kezdesýdiń basty qonaǵy – Almaty lokomotıv paıdalnaý deposynyń basshysy, tájirıbeli maman ári óz isine adaldyǵymen tanylǵan Satybaldy Aıdyn Eshmuhambetuly boldy. Ol óziniń eńbek jolyn jumysshydan bastap, tabandylyǵy men eńbeksúıgishtiginiń arqasynda basshylyq deńgeıine deıin kóterilgenin jasyrmaı dáleldedi. Aıdyn Eshmuhambetuly kásibı joldyń ár qadamyna toqtalyp, jastyq shaqtaǵy izdenister men qıyndyqtardy qalaı eńsergenin baıandap berdi.«Eńbektiń eń asyl jemisi – shydamdylyq pen tabandylyq. Eger adam óz isine adal bolsa, kásibin súıse, qandaı da bir qıyndyqty eńserip, armanyna jete alady. Jumysshy mamandyǵy – úlken tájirıbeniń bastaýy ári kásibı bıikke aparatyn alǵashqy qadam», – dedi ol jastarǵa arnaǵan sózinde.
Kezdesý barysynda jastar tek tyńdaýshy bolyp qana qoıǵan joq, ózderin qyzyqtyrǵan suraqtaryn qoıyp, ashyq pikir almasty. Bolashaq mamandyqty tańdaýdaǵy jaýapkershilik, eńbek naryǵyndaǵy suranysqa ıe salalar jáne kásibı damýdyń mańyzy jóninde oı bólisti.
Jıyn sońynda qatysýshylar jumysshy mamandyqtarynyń bolashaǵy bar ekenin túsinip, eńbekqorlyqtyń tabysqa bastaıtyn basty qundylyq ekenin tereń uǵyndy. Ásirese, qarapaıym jumysshydan jetekshi tulǵaǵa deıin ósken tájirıbeli mamannyń ómirlik tájirıbesijastarǵa úlken serpilis berdi.
Osyndaı kezdesýlerdiń máni – jastarǵa eńbekke qurmetpen qaraýdy úıretý, tabysqa jetýdiń tek tózimdilik pen adal eńbektiń arqasynda múmkin bolatynyn sezindirý. «Eńbekpen shyńdalǵan jetistik» atty taǵylymdy kezdesý – jas býyn úshin ómirlik sabaq qana emes, bolashaqqa baǵyt-baǵdar bergen erekshe basqosý boldy.