Baıqaý jastar arasynda jumysshy mamandyqtardy tanymal etýge jáne jumysshy áýletteriniń kópjyldyq dástúrlerin nyǵaıtýǵa baǵyttalǵan.
Konkýrs aıasynda Qazaqstannyń úzdik óndiris qyzmetkerleri men eńbek áýletteri anyqtalady, dep habarlaıdy Almaty-akshamy.kz
QR Eńbek jáne halyqty áleýmettik qorǵaý mınıstrligi (EHÁQM) «Eńbek joly» respýblıkalyq baıqaýynyń bastalǵanyn habarlady.
Konkýrs eki kezeńnen (óńirlik jáne respýblıkalyq) turady. Qatysýshylar úsh atalym boıynsha anyqtalady: «Úzdik eńbek áýleti» – eńbek ótili eń uzaq, marapaty eń kóp áýlet tańdalady; «Óndiristiń úzdik jas mamany» – jumys ótili 5 jyldan aspaıtyn, eń belsendi jáne eńbekqor óndiris jumyskeri tańdalady; "Jumys isteıtin jastardyń úzdik tálimgeri" – jumys ótili keminde 20 jyl, joǵary tıimdi jumys isteıtin tálimger tańdalady.
Konkýrsqa kásiporyndardyń (salasyna qaramastan) barlyq qyzmetkeri qatysa alady. Jeńimpazdardy arnaıy respýblıkalyq komısıa anyqtaıdy. Olardy marapattaý jyl saıynǵy «Jalpyǵa Ortaq Eńbek Qoǵamyna» respýblıkalyq forýmy aıasynda ótedi.
EHÁQM baıqaýǵa eńbek áýletteriniń ókilderin, sondaı-aq bastamashyl jas qyzmetkerlerdi jáne olardyń tálimgerlerin belsendi qatysýǵa shaqyrady.
Konkýrs týraly tolyq aqparat alý úshin Jumyspen qamtýdy úılestirý jáne áleýmettik baǵdarlamalar basqarmasyna nemese oblystardyń jáne Nur-Sultan, Almaty jáne Shymkent qalalarynyń eńbek ınspeksıasy boıynsha nemese QR EHÁQM Eńbek qatynastary jáne áleýmettik áriptestik basqarmasyna 8 (7172) 74-35-11 telefony boıynsha habarlasýdy suraımyz.