Osy jyldyń 1 aqpanynan bastap #ÁNSHÝAQ heshtegimen 13 myńnan astam beıne jarıalanym jáne 12 mıllıonǵa jýyq qaralym jınaldy, dep habarlaıdy almaty-akshamy.kz
Festıváldiń maqsaty - óskeleń urpaqty dástúrli tarıhı, rýhanı, mádenı qundylyqtar negizinde adamgershilik pen azamattylyqqa tárbıeleý.
«Festıvál aıasynda elimizdiń barlyq óńirlerinde tanymal kompozıtorlarmen kezdesýler ótkizilýde. Munda jas oryndaýshylar óz ıdeıalarymen bólisýge, shyǵarmashylyq prosestiń qupıalaryn bilýge, kásipqoılardyń jetekshiligimen shyńdalýǵa múmkindik alady», - deıdi «Respýblıkalyq qosymsha bilim berý oqý-ádistemelik ortalyǵy» RMQK dırektory Raısa Sher.
Respýblıkalyq qazylar alqasy qazaq tilindegi eń tanymal 20 balalar ánin anyqtady: «Otan», «Ustazym», «Aıaýly ana», «Oqyp, bilip úırenemiz» «Men qazaqtyń qyzymyn», «Ana dep án salamyn», «Biz Otannyń ulanymyz», «Táýelsiz el urany», «Ata-áje», «Birligimiz jarasqandaı», «Kerek bizge tynyshtyq», «Úsh baqytym», «Birliktiń týy», «Tátti», «Qazaqstanym», «Týǵan el» «Dombyra», «Alaqaı», «Egemen el – Qazaqstan», «Ertegiler».
Aıta ketý kerek, 1 maýsymda elimizdiń ár óńirinde Open Air formatynda konsertter ótkizilip, osy tanymal ánder oryndalady.