Sulýlyq salondary 24,4 mlrd teńgege qyzmet kórsetti.
Osy jyldyń qańtar-qyrkúıek aralyǵynda shashtarazdar men sulýlyq salondary 24,4 mlrd teńgege qyzmet kórsetti, dep habarlaıdy Almaty-akshamy.kz QazAqparatqa silteme jasap.
Ulttyq statbúro málimetine qaraǵanda, sulýlyq qyzmetin kórsetýshilerdiń baǵasy jyldyq mánde (2021 jyldyń qarasha aıymen salystyrǵanda) 17%-ǵa ósti.
Qarasha aıynda Qazaqstanda áıelderdiń shash qıý qyzmetiniń ortasha baǵasy 2 744 teńgeni qurady.
Óńirler arasynda bul qyzmet astanalyq hanymdar úshin qymbatqa shyǵady eken – 4 166 teńge, eń arzany Semeıde – 1 714 teńge.
Qalǵan qalalarda áıelderdiń shashyn qıý qyzmetiniń baǵasy 2 myńnan 3 myń teńgege deıin barady.
Elimizde erlerdiń shash qıý qyzmetiniń ortasha baǵasy áıelderge qaraǵanda sál arzan – 2 037 teńge.
Er azamattardyń shashyn alý baǵasy Almatyda eń qymbat – 2979 teńge, arzany Qyzylordada – 1355 teńge.
Basqa qalalardaǵy baǵa dıapazony - 1400-den 2500 teńgege deıin.