Abaı oblysynda «Taza Qazaqstan» respýblıkalyq aksıasy aıasynda qoǵamdyq jáne ekologıalyq tártipti qamtamasyz etý jumystary júrgizilýde.
Polısıa qyzmetkerleri jyldyń basynan beri 7 818 quqyq buzýshylyqty anyqtady. Onyń ishinde 2 492 jaǵdaı – ortaq qoldanystaǵy oryndardy lastaýmen, 5 326 derek – qalalar men eldi mekenderdiń aýmaqtaryn abattandyrý erejelerin buzýmen, jasyl jelekterdi búldirýmen baılanysty.
Barlyq zańbuzýshylyqtar boıynsha tıisti sharalar qabyldanyp, kináliler jaýapkershilikke tartyldy. Sonymen birge, polısıa profılaktıkalyq jumystardy kúsheıtip, turǵyndar arasynda túsindirý sharalaryn júrgizýde. Jergilikti atqarýshy organdar, qoǵamdyq uıymdar men eriktilermen birlesip, kezdesýler, senbilikter jáne aqparattyq aksıalar uıymdastyrylýda.
«Taza Qazaqstan» – tek ekologıalyq bastama emes, árbir azamattyń sanasynda tabıǵatty qorǵaý men tártipke jaýapkershilik sezimin qalyptastyrýǵa baǵyttalǵan qadam.