Sáýir aıynyń qorytyndysy boıynsha eń arzan jáne eń qymbat turǵyn úıler ornalasqan óńirler belgili boldy, dep habarlaıdy aqshamnews.kz
Analıtıkter eldiń 18 qalasyndaǵy ekinshi deńgeıli turǵyn úı naryǵyndaǵy usynystardy zerttegen.
Krisha.kz sarapshylary esepteý kezinde páterlerdiń ortasha aýdandaryn negizge aldy:
1 bólmeli páter — 35 sharshy metr;
2 bólmeli páter — 47 sharshy metr;
3 bólmeli páter — 70 sharshy metr.
Zertteý nátıjesinde respýblıka boıynsha páterlerdiń ortasha baǵasy tómendegideı boldy:
1 bólmeli páter — 13,6 mln teńge;
2 bólmeli páter — 18,3 mln teńge;
3 bólmeli páter — 27,3 mln teńge.
EŃ ARZAN ÚILER QAI ÓŃİRDE
Ekinshi deńgeıli naryqtaǵy eń tómen baǵalar Qyzylorda qalasynda tirkelgen. Bul barlyq formattaǵy páterlerge qatysty:
1 bólmeli páter — 8,7 mln teńge;
2 bólmeli páter — 11,7 mln teńge;
3 bólmeli páter — 17,5 mln teńge.
Sondaı-aq, eń arzan baspana satylatyn qalalar qatarynda Taraz, Aqtóbe, Taldyqorǵan jáne Kókshetaý bar.
EŃ QYMBAT ÚILER QAI ÓŃİRDE
Ekinshi deńgeıli naryqtaǵy eń qymbat baspana Almatyda. Munda bir sharshy metrdiń ortasha baǵasy — 751 055 teńge. Bul kórsetkish eń jaqyn «básekeles» qalaǵa qaraǵanda 233 000 teńgege joǵary.
Almatydaǵy sáýir aıyndaǵy páter baǵalary:
1 bólmeli páter — 26,3 mln teńge;
2 bólmeli páter — 35,3 mln teńge;
3 bólmeli páter — 53 mln teńge.
Almatydan keıingi qymbat qalalar tiziminde Astana men Shymkent tur.