Bul týraly Densaýlyq saqtaý mınıstri Ajar Ǵınıat aıtty.
Mınıstrlik dári-dármek, vaksınamen qamtamasyz etýdi turaqty baqylaýynda ustap otyr, dep habarlaıdy Almaty-akshamy.kz
Qazaqstanda aýmaǵynda naýqastarǵa kerek dári-dármek jetkilikti.
«Naýqastarǵa kerek dári-dármek jetkilikti. Aýrýhanalarda dári-dármektiń 16 ataýy boıynsha eki aılyq qory qamtamasyz etildi. Al emhanalar men ambýlatorıalarda 1,3 mlrd teńgeden astam somaǵa dári satyp alynyp, qor jasaqtaldy. Bul óz kezeginde 80 myń pasıentke jetkilikti», - dedi A. Ǵınıat.
Onyń aıtýynsha, qosymsha biryńǵaı dıstrıbútor qoımalaryna 4 mlrd teńgege dári-dármek alyndy.
«Mınıstrlik dári-dármek, vaksınamen qamtamasyz etýdi turaqty baqylaýynda ustap otyr»,- dedi vedomstvo basshysy.
Budan buryn habarlanǵandaı, «qyzyl» aımaqta shekteý sharalary densaýlyq saqtaý júıesiniń júktemesine baılanysty eki kezeńmen qabyldanady. Úkimet basshysy Álıhan Smaılov ákimdikterge halyqty vaksınalaý jáne revaksınalaý jumystaryn jandandyrýdy tapsyrdy.