Jandarbek Málibekuly 1942 jyly 24 naýryzda Qyzylorda oblysy Jańaqorǵan aýdany Ekpindi aýylynda dúnıege kelgen.
Tashkent polıtehnıka ınstıtýtynyń sáýlet óneri fakúltetin támamdady. Jandarbek Málibekuly Qazaqstannyń memlekettik rámizderi jobasynyń konkýrsyna 50 jasynda qatysqan. Ol kezde rámiz avtory Ózbekstandaǵy Samarqandtyń bas sáýletshisi bolǵan.
1992 jyldyń basynda Qazaqstan Respýblıkasynyń jańa memlekettik rámizderin daıyndaýǵa baıqaý jarıalanǵan bolatyn. Osy baıqaýǵa kóptegen talantty aqyndar, sazgerler, sýretshiler men sáýletshiler qatysty, olardyń qatarynda J.Málibekov te bolǵan.
1992 jylǵy sáýir aıynyń sońynda ol óz jobasyn Qazaqstan Respýblıkasy Joǵarǵy Keńesiniń keńsesine tapsyrady. Baıqaýǵa túsken 293 eltańba nusqalarynan Jandarbek Málibekovtiń jobasy jeńip shyqqan.