Qazaqstannyń eń kóne teatrlarynyń biri, Astana qalasyndaǵy M.Gorkıı atyndaǵy memlekettik akademıalyq orys drama teatry Almaty qalasyna gastróldik saparmen keledi.
24-28 qyrkúıek aralyǵynda ońtústik megapolıs turǵyndary men qonaqtary elordalyqtardyń oryndaýyndaǵy qoıylymdardy tamashalaı alady. Spektáklder Ǵ.Músirepov atyndaǵy balalar men jasóspirimder teatrynyń sahnasynda ótedi.
Bul sapar barysynda teatr repertýarynda A.Ostrovskııdiń "Groza" dramasy, N.Gogoldiń "Jenıtba" komedıasy, E.Rostannyń "Sırano de Berjerak" romantıkalyq dramasy, Keńes Odaǵynyń batyry Álıa Moldaǵulovaǵa arnalǵan "Álıa" dramasy jáne "Jızn bez…" súrealısik qoıylymy bar. Almaty kórermenderi úshin eń tanymal ári joǵary baǵaǵa ıe spektáklder usynylady.
Sondaı-aq, balalarǵa arnalǵan T.Ýfımseva qoıǵan "Shelkýnchık" ertegisi 25-28 qyrkúıek aralyǵynda kórsetiledi. Bul erteginiń premerasy jaqynda ótken bolatyn.
Almatydaǵy sońǵy gastrólderden beri bes jyl ótti, sondyqtan bul sapar kórermenderge teatr repertýarynda bolǵan jańartýlardy kórsetýge úlken múmkindik bolmaq.
Bul gastróldik saparlar teatrdyń 124-shi maýsymy qarsańynda ótkizilip, akterler Almatynyń kórermenderine jańa áser syılaýdy maqsat etip otyr.
M.Gorkıı atyndaǵy teatr 1899 jyly qurylǵan, birneshe ondaǵan elderge gastróldik sapar jasap, halyqaralyq baıqaýlar men festıválderdiń jeńimpazy atanǵan teatr ujymy retinde tanymal.
Qosymsha aqparat pen suraqtar boıynsha: Aleksandra Kýstovskaıa: 8-701-620-04-08 Iýlıa Kım: 8-747-172-19-78