Sebep – qatty boran, 20 m/s ekpindegi jel
Nur-Sultanda aýa raıynyń nasharlaýyna baılanysty qalaǵa kiretin birneshe jol jabyldy, dep habarlaıdy Almaty-akshamy.kz QazAqparatqa silteme jasap.
«112» qutqarý qyzmeti 11:00-de Nur-Sultan - Temirtaý tasjolynyń jabylǵany týraly habarlady. Sebep – qatty boran, 20 m/s ekpindegi jel.
40 mınýttan keıin astanadan Ereımentaýǵa qaraı shyǵatyn joldyń jabylǵany belgili boldy.
Al 11:43-te Nur-Sultan - Atbasar tasjolynda qozǵalys shektelgeni habarlandy.
Saǵat 12:06-da borannan Shýchınskige aparatyn trassada kóliktiń júrýine tyıym salyndy.
Budan bólek, Pavlodar oblysynda borannan joldyń kórinbeýi saldarynan Nur-Sultan - Ereımentaý - Shiderti tasjolynda qozǵalys toqtatyldy.
Eske sala keteıik, 13 naýryz kúni Qazaqstannyń barlyq derlik óńirinde aýa raıyna baılanysty eskertý jarıalandy.
13:20-daǵy jaǵdaı boıynsha, elordada jel soǵyp tur, qar ushqyny baıqalady. Aýa temperatýrasy – mınýs bes gradýs.