Qazaqstan Táýelsizdiginiń 30 jyldyǵyna oraı «Ortaǵasyrlyq jazba derekterdegi Qazaq memleketi» atty kórme uıymdastyryldy
Qazaqstan tarıhynan syr shertetin eski jazba-derekterdi zertteıtin ǵalymdardyń tapshylyǵy – búgingi kúnniń úlken problemasy. Bul týraly belgili tarıhshy Tilegen Sadyqov Qazaqstan Táýelsizdiginiń 30 jyldyǵyna oraı «Ortaǵasyrlyq jazba derekterdegi Qazaq memleketi» atty kórmeniń tusaýkeserinde málimdedi, dep habarlaıdy Almaty-akshamy.kz
Tarıhshynyń aıtýynsha, elimizge qatysty qundy jádigerlerdi alys-jaqyn shet elderden jınaý tarıhymyzdy tereńirek bilýge, aqtańdaq betterin qaıta jazýǵa zor múmkindikter týǵyzady. Bul ıgi isterdiń bolashaq urpaq úshin alatyn orny erekshe bolmaq.
«Qazirgi tańda bul bastamasy ǵana dep aıtar edim. Menińshe, derektik materıaldy áli tolyq ıgere almaýymyzdyń eki túrli sebebi bar. Birinshiden, osy tildi biletin, sony ıgeretin ǵalymdardyń, zertteýshilerdiń jetkiliksiz bolýy. Keńes dáýirinen orys tilin bilseń, kırrılısamen jazǵandy oqysań sol jetkilikti degen uǵym qalyptasyp qalǵan. Arab tilin jetik bilý, parsy tilin jetik bilý, túrikshe jazylǵan materıaldardy zertteý - qazirgi ǵalymdardyń aldynda turǵan úlken mindet. Ekinshiden, kelip jatqan derekterdiń, qujattardyń jaǵdaıy birdeı emes, ishinde tozyǵy jetkeni de bar», - dedi tarıhshy Tilegen Sadyqov.
Aıta keteıik, elordada kópshilik nazaryna usynylǵan kórmege qoljazbalar jáne sırek kitaptar ulttyq ortalyǵynyń qorynda jınaqtalǵan Qazaqstan tarıhyna qatysty sırek kitaptar, qazaq handarynyń hattary, kartalar qoıylǵan. Kórme jeltoqsan aıynyń sońyna deıin jalǵasady.